Os Equipos de Dinamización da Lingua Galega (EDLG) de:

 IES Escolas Proval (Nigrán),

 IES Plurilingüe Terra de Turonio (Gondomar)

 CEIP Carlos Casares (Nigrán)

 CPI Plurilingüe Arquitecto Palacios (Nigrán)

 IES Primeiro de Marzo (Baiona)

 IES Val Miñor (Nigrán)

En colaboración cos concellos de Gondomar, Nigrán e Baiona, convocan o

VI Certame de Micropoemas Beatriz da Serra

BASES:

1. Poderá participar o alumnado dos centros educativos do Val Miñor.

2. A participación no certame supón a aceptación destas bases.

3. Os poemas presentados deberán ser orixinais e inéditos, de temática libre, e estarán escritos en lingua galega. Terán unha extensión mínima de 3 versos e máxima de 8. Cada participante presentará catro poemas.

4. Establécense as seguintes categorías:

a -alumnado de 4º, 5º e 6º de primaria

b -alumnado de 1º, 2º, 3º de ESO e de FP básica

c -alumnado de 4º de ESO, 1º, 2º de bacharelato,ciclos formativos e ESA.

5. As obras propostas serán enviadas ao correo electrónico:

poesiaminhora@gmail.com

O envío incluirá dous documentos escritos en Arial 12, en formato PDF. Nun irán os poemas presentados, que deberán conter título ou lema. Noutro, figurarán o título da obra presentada e os datos persoais da autora ou autor (nome, apelidos, idade, curso, centro de estudos, teléfono de contacto, e enderezo postal).

6. A data límite para a presentación dos poemas será o 21 de marzo de 2025 ás 23:59 horas.

7. O xurado estará composto por cinco especialistas en literatura galega.

8. Os poemas premiados serán publicados nas webs dos centros convocantes e enviados aos medios dixitais do Val Miñor. Tamén se fará unha publicación impresa, que servirá para lembrar a Beatriz da Serra e para a difusión dos traballos premiados .

9. Establécense os seguintes premios en cada categoría:

1º premio: dotado con dúas antoloxías poéticas das voces máis novas, certificación acreditativa e unha peza cerámica conmemorativa de Antón Román.

2º premio: dotado con dúas antoloxías poéticas das voces máis novas e certificación acreditativa.

10. Os premios serán entregados nun acto poético organizado polos centros e concellos convocantes.

11. Se o xurado o considera, poderá quedar algún premio deserto. Tamén poderá recomendar a publicación dalgún poema que destaque pola súa calidade entre os que non resulten premiados. Calquera incidencia non prevista nestas bases será resolta polo xurado.

12.O fallo do xurado será inapelable e farase público nas webs dos centros organizadores na primeira semana de abril.